અંબાલાલ પટેલ ની આગાહી પ્રમાણે ઉત્તર માં વરસાદ શરૂ, જાણો ૪૮ કલાક માં ક્યાં પડશે વરસાદ - Jan Avaj News

અંબાલાલ પટેલ ની આગાહી પ્રમાણે ઉત્તર માં વરસાદ શરૂ, જાણો ૪૮ કલાક માં ક્યાં પડશે વરસાદ

નમસ્કાર મિત્રો તમારા માટે સારા સમાચાર લઇને આવ્યા છીએ. હાલમાં વરસાદ ની રાહ જોતા ખેડૂતો માટે સારા સમાચાર આવ્યા છે. બંગાળ ની ખાડીનું લો- પ્રેસર હાલમાં નબળું પડી રહ્યં છે. પરંતુ આની અસર ગુજરાતમાં આવનારા ૪૮ કલાક સુધી જોવા મળશે. કેમકે સાયક્લોનિક સર્ક્યુલેશન સિસ્ટમ પર અરબી સમુદ્ર ના ભેજવાળા પવનો જઈ રહ્યા છે. ગુજરાત માં છેલ્લા ૨૪ કલાક માં ૧૨૯ તાલુકા માં વરસાદ પડ્યો છે. જેમાં ઘણા એવા વિસ્તારો છે કે જેમાં ચાર થી પાંચ ઇંચ વરસાદ જોવા મળ્યો છે.

હવામાન વિભાગ ની માહિતી અનુસાર વલસાડ, વાપી અને અમરેલી માં ચાર ઇંચ થી વધારે વરસાદ પડ્યો છે. છેલ્લા ૨૫ કલાક માં ગુજરાત રાજ્ય ના ૩૩ જિલ્લામાંથી ૨૪ જિલ્લા માં વરસાદ નોંધાયો છે. જોકે હાલ માં ઘણા એવા વિસ્તારમાં વરસાદ ની રાહ જોવામાં આવી રહી છે.

ગુજરાતના જાણીતા હવામાનશાસ્ત્રી અંબાલાલ પટેલે પણ નવી આગાહી કરી છે. આગાહીમાં જણાવ્યું છે કે છત્તીસગઢ ઉપર રહેલ લો-પ્રેશર સિસ્ટમ 21 ઓગસ્ટ સુધીમાં રાજસ્થાન તરફ આવશે. જે લો-પ્રેશર ને કારણે સુરત સહિત દક્ષિણ ગુજરાતમાં વરસાદી વાતાવરણ યથાવત્ રહેશે. આવનારા બે દિવસ સુધી વરસાદ પડશે. 21 તારીખે વલસાડ, તાપી, સુરત, નવસારી અને ડાંગમાં ભારે વરસાદની આગાહી કરી છે. સૌરાષ્ટ્રમાં પણ મધ્યમ વરસાદ પડી શકે તેવી આગાહી જણાવી છે. આ અગાઉ પણ તેમણે વરસાદને લઈને ગુજરાતમાં આગાહી કરી હતી કે 18થી 24 તારીખ દરમિયાન ગુજરાતમાં સારો વરસાદ પડશે.

રાજ્યમાં હવામાન વિભાગની આગાહી મુજબ 18 ઑગસ્ટથી વરસાદ વરસી રહ્યો છે. ગઈકાલે 19મી ઑગસ્ટથી આજે સવારે 20મી ઑગસ્ટના સવારે 6.00 વાગ્યા સુધીના 24 કલાકમાં રાજ્યમાં 139 તાલુકામાં વરસાદ વરસ્યો છે. ખાસ કરીને હવામાન વિભાગની આગાહી મુજબ રાજ્યના દક્ષિણ ગુજરાતમાં મેઘમહેર થઈ છે. તો આગામી બે દિવસ પણ દક્ષિણ ગુજરાતમાં સારા વરસાદની આગાહી કરવામાં આવી છે. દરમિયાન હવામાન નિષ્ણાત અંબાલાલ પટેલે પણ આગામી 3 દિવસ રાજ્યના આ વિસ્તાર માટે વરસાદની આગાહી કરી છે.

રાજ્યમાં છેલ્લા 24 કલાક દરમિયાન વરસેલા વરસાદની વાત કરીએ તો વલસાડમાં 133 મીમી એટલે કે 5.25 ઇચ, પારડીમાં 132 મીમી, ધરમપુરમાં 120 મીમી, લીલીયામાં 114 મીમી, વાપીમાં 109 મીમી, અમરેલીમાં 108 મીમી, વઘઈમાં 85 મીમી, હાંસોટમાં 81 મીમી, તાપીના ડોલવણમાં 79 મીમી, નવસારીના ખેરગામામાં 75 મીમી, વાંસદામાં 74 મીમી, ઉમરગામમા 73 મીમી, વ્યારામાં 69 મીમી સુરતના પલસાણામાં 64 મીમી, કપરાડામાં 64 મીમી વરસાદ વરસ્યો છે.

જ્યારે અંકલેશ્વરમાં 58 મીમી, નવસારી શહેરમાં 56 મીમી, ઉમપાડામાં 54 મીમી, જલાલપોરમાં 51 મીમી, માંગરોળમાં 50 મીમી, દાહોદમાં 49 મીમી વરસાદ વરસ્યો છે. દરમિયાન રાજ્યના કુલ 18 તાલુકામાં 1થી-2 ઇંચ સુધીનો વરસાદ વરસ્યો છે જ્યારે 19 તાલુકામાં 2થી 4.10 ઇંચ સુધી વરસાદ વરસ્યો છે.

રાજ્યમાં હાલમાં દક્ષિણ ગુજરાતમાં સારા વરસાદની હવામાન વિભાગની આગાહી છે. આ ઉપરાંત હવામાન નિષ્ણાંત અંબાલાલ પટેલે ઉત્તર ગુજરાતમાં વરસાદની આગાહી કરી છે. હવામાન વિભાગે આગામી બે દિવસ ડાંગ, નવસારી, વલસાડમાં ભારે વરસાદની આગાહી કરી છે તો અન્ય વિસ્તારમાં મધ્યમ વરસાદની આગાહી કરી છે. જ્યારે અંબાલાલે 20-21 અને 22 તારીખના રોજ ઉત્તર ગુજરાતમાં સારા વરસાદની આગાહી કરી છે.

છેલ્લા 24 કલાકમાં રાજ્યમાં એવરેજ 11.90 મીમી વરસાદ થયો છે. રાજ્યના 33 પૈકીના 24 જિલ્લામાં અને 129 તાલુકામાં આ વરસાદ નોંધાયો છે. રાજ્યમાં 20મી ઓગસ્ટની સ્થિતિએ કુલ 40.40 ટકા જેટલો વરસાદ થયો છે. આમ ખેડૂતો માટે હજુ પણ ચિંતાના વાદળો ઘેરાયા છે. હાલની સ્થિતિ મુજબ સૌથી વધુ દક્ષિણ ગુજરાતમાં 49.10 ટકા વરસાદ વરસ્યો છે.

Leave a Reply

Your email address will not be published. Required fields are marked *